- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
VI Premio de novela Vilar Ponte
Cando:
Dende o 11/03/2024 ata o 30/06/2024
O Concello de Viveiro publica as bases do VI Premio de Novela Vilar Ponte, unha cita xa tradicional dentro de axenda cultural da vila que naceu co dobre obxectivo de lembrar aos escritores Antón e Ramón Vilar Ponte e difundir a literatura en lingua galega.
-
Obradoiro "A posta en escea da comunicación"
Cando:
22/05/2024
Inscricións:
Dende o 10/05/2024
A Biblioteca Pública Miguel González Garcés organiza un obradoiro de teatro con diferentes propostas prácticas, derivadas das técnicas de comunicación e actorais dirixidas a mellorar a súa capacidade para a oratoria e de proxectarse cara os demais.
-
Curso de manipulador de alimentos e hixiene alimentaria
Cando:
25/05/2024
Inscricións:
Ata o 22/05/2024
O Centro de Formación de Cruz Vermella na Coruña organiza un curso para obter os coñecementos e normas básicas necesarias para a manipulación de alimentos
-
Gala homenaxe a Luisa Villalta polas Letras Galegas 2024
Cando:
15/05/2024
A Deputación da Coruña organiza no Teatro Colón un acto poético musical conducido por Yolanda Castaño e Dores Tembrás en homenaxe a Luísa Villalta. Tomando como punto de partida o prólogo de "Música Reservada", 6 artistas inspíranse para compoñer obras musicáis e performativas que dialogan intimamente entre o corpo e o mundo sonoro de Luísa Villalta.
-
Pint of Science 2024
Cando:
Dende o 13/05/2024 ata o 15/05/2024
Pint of Science é un evento de índole internacional que invita aos investigadores máis punteiros a compartir os seus coñecementos nun ambiente relaxado e distendido. Tres días cheos de ciencia nos que os bares se transformarán en escenarios de aprendizaxe e de encontro, onde expertos de diferentes campos compartirán as súas investigacións de maneira accesible e entretida.
-
VII Certame de debuxo e poesía "Avelino Díaz"
Inscricións:
Ata o 17/05/2024
Os Concellos de Meira e Riotorto, en colaboración coa Asociación cultural Avelino Díaz, convocan a sétima edición do certame de debuxo e poesía "Avelino Díaz".
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible