Do mesmo xeito que usas o teu DNI para te identificares para realizar calquera trámite ou xestión presencialmente, a túa identidade dixital permitirache levar a cabo múltiples xestións co Concello da Coruña comodamente desde o teu móbil ou o teu ordenador, no momento que ti queiras e desde calquera lugar.
Mediante o sistema de identidade dixital do Concello da Coruña, poderás utilizar moitos servizos municipais mediante un proceso simple de rexistro a través dunha conta de correo electrónico e/ou utilizando a túa identificación en redes sociais (Google, Apple, Facebook ou Instagram).
Dependendo do nivel de confianza poderás utilizar todos os servizos existentes ou só algúns deles.
Dependendo do servizo municipal ao que queiras acceder, necesitaremos dispoñer de maior ou menor información sobre a túa identidade.
Defínense catro niveis de confianza na identidade da cidadanía. Cada servizo necesitará un nivel mínimo de confianza na identidade do cidadán ou da cidadá e este/a só poderá acceder ao devandito servizo se está identificado/a con ese nivel de confianza ou un superior.
Niveis existentes
Os niveis son os seguintes:
Nivel 1
O medio de identificación foi un rexistro mediante correo electrónico ou entrada cunha rede social (Facebook, Google ou Apple). Neste nivel a persoa só asegura que ten acceso ao correo electrónico que proporcionou. Permitiralle facer trámites e xestións nos que non sexa obrigatorio proporcionar datos da súa identidade, por exemplo, informar dunha incidencia ou fochanca en vía pública, solicitar un colector na súa rúa etc.
Nivel 2
A persoa asociou un número de teléfono móbil coa súa conta e verificou que ten acceso a esa liña telefónica. Este nivel permitiralle votar en procesos participativos.
Nivel 3
Para obter este nivel a persoa proporcionou datos persoais que se comproban cos que obran en posesión do Concello. Un exemplo destes datos poden ser o seu DNI, número de Tarxeta Millennium e código postal de empadroamento. Unha vez verificados, a persoa terá acceso total aos servizos municipais, por exemplo: consultar imposto, descargar certificados de empadroamento etc.
Nivel 4
Neste nivel a identidade real da persoa está comprobada. Pode obterse este nivel acudindo a algunha dependencia municipal para realizar unha identificación presencial ou usando un medio confiable como o sistema Cl@ve. Unha vez que a súa conta de usuario dispoña do nivel 4 poderá iniciar trámites, presentar documentación, asinar solicitudes etc. comodamente dende o seu ordenador ou teléfono móbil.
Que requisitos teño para aumentar o meu nivel de autenticación/confianza?
A onde teño que acudir para identificarme?
Se dispós de identificación por Cl@ve, certificado dixital ou DNI electrónico pódeste identificar por Internet. En caso contrario, poderás facelo co teu móbil (Android ou iOS) e realizar a identificación presencialmente. Obtén máis información na páxina Activación da identidade dixital cidadá .
¿Podo cambiar a miña dirección de correo electrónico ou móbil unha vez creada a conta?
Se. Unha vez iniciada sesión en Identidade dixital podes cambiar os teus datos de contacto desde o teu perfil de usuario. Este correo non pode estar a ser utilizado noutra conta do Concello. Se fose así, entra con ese outro correo e cámbiao para que xa non estea en uso.
¿Que pasa se non me acordo do contrasinal?
Se tes algunha rede social como Facebook, Google, X ou Apple asociada ao mesmo correo que utilizaches para a túa conta do Concello podes identificarche sen necesidade de lembrar o teu contrasinal.
En caso contrario podes elixir identificarche recibindo un código no correo electrónico ou un sms no teu móbil (no caso que introducises o teu número de teléfono móbil no teu perfil).
Podes consultarnos as túas dúbidas por Internet, teléfono ou presencialmente. Elixe o medio que prefiras en Comunícate!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible