- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Xoves de Achegas: programación maio-xuño 2024
Cando:
Os días 30/05/2024 ás 19:00 , 13/06/2024 ás 19:00
Desde a Rede Municipal de Información Xuvenil, ofrecémosche no mes de maio, unha actividade participativa na que falaremos sobre as cuestións que tes que ter en conta para deseñar unha ruta pola natureza. No mes de xuño, o "Xoves de Achegas" estará adicado á Formación Profesional, nesta actividade traballaremos sobre aqueles aspectos que debes coñecer para poder realizar a admisión nestes estudos.
-
Concurso fotográfico "Meteoprimavera 2024"
Inscricións:
Ata o 10/06/2024
A Asociación Meteorolóxica Española (AME), en colaboración con Tempo.com, convoca o concurso de fotografía "Meteoprimavera 2024".
-
#concursodepoesía de Zenda Libros
Inscricións:
Ata o 26/05/2024
Zenda Libros, co patrocinio de Iberdrola, organiza este concurso de poesía no que un xurado formado por coñecidos escritores e escritoras elixirá un gañador e dous finalistas.
-
Documental “Xove, Democracia Nuclear”
Cando:
10/06/2024
A Asociación veciñal Oza Gaiteira Os Castros proxecta, no Fórum Metropolitano, o documental "Xove, Democracia Nuclear”, sobre a mobilización contra o proxecto de construción dunha central nuclear no municipio mariñao nos anos setenta.
-
Praza Dirección-Asesoramento Psicolóxico CIM do Concello de Cee
Inscricións:
Ata o 20/05/2024
Proceso selectivo para a cobertura definitiva, mediante o sistema de oposición libre da praza de Dirección-Asesoramento Psicolóxico do Centro de Información a Muller (CIM) de Cee.
-
Xoves de Achegas de Xuño: Destino FP! Explorando maneiras de coñecer a formación profesional
Cando:
13/06/2024
Inscricións:
Dende o 15/05/2024 ata o 11/06/2024
A finais do mes de xuño vai comezar o proceso de admisión nos ciclos da formación profesional, nesta actividade traballaremos de maneira conxunta as diferentes fases deste procedemento: solicitude, códigos de consulta, activación contas, etc
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible