Concello da Coruña

Concello da Coruña

Cando:

22 de setembro de 2021

Celemín destaca os diferentes aspectos que abordará o congreso “Emilia Pardo Bazán no seu centenario” para corroborar a xenialidade da escritora

O concelleiro de Educación participou na inauguración da actividade organizada pola Universidade na que especialistas de todo o mundo analizarán as múltiples facetas da autora sobre a que o Concello organizou máis de 40 iniciativas

O concelleiro de Educación, Jesús Celemín, participou na inauguración do "Congreso Internacional Emilia Pardo Bazán no seu Centenario. Literatura e vida nos séculos XIX, XX e XXI", no paraninfo da Universidade. O edil lembrou as máis de 40 actividades que organizou o Concello para conmemorar os 100 anos do seu pasamento e destacou a implicación da Universidade que abordará con este congreso novas perspectivas da intelectual, "matices que constrúen a xenialidade de dona Emilia" e que estudarán aspectos da súa escrita, biografía ou ideoloxía.

Durante catro xornadas, "neste símbolo da tolerancia e o coñecemento, volvemos a reencontrarnos con ela. O seu legado aliméntanos a alma e lévanos polo camiño correcto que non é outro que o da loita polos nosos principios". Celemín sinalou que o Goberno de Inés Rey traballa para recuperar a actividade cultural da cidade ao 100% porque aí está a esencia da Coruña que nunca para e goza da cultura en directo, aprende e medra un pouquiño máis con eventos coma este.

Neste aspecto, explicou, que para programar o centenario de Pardo Bazán "quixemos que toda a veciñanza celebrase a sorte de ter na rúa Tabernas unha casa que, hoxe é museo, desde a que Pardo Bazán inspirou a tantas e tantos coetáneos. Puntualizou o concelleiro que nesa morada en que se respirou tanta liberdade, Pardo Bazán cultivou as súas innumerables facetas.

No acto, o reitor salientou que foi pioneira na pugna pola consecución dos dereitos sociais e pola igualdade, "unha figura que vai máis alá do eido literario". Afirmouse que é importante contar con persoas coma ela e agarda que axiña se poidan ter a disposición das institucións as Torres de Meirás para recuperalas como un espazo de traballo por esa igualdade pola que Pardo Bazán loitou.

Na apertura tamén participaron o conselleiro da Xunta, Román Rodríguez; o coordinador xeral do congreso, José María Paz Gago; e Xosé Luis Axeitos, da Real Academia Galega, quen homenaxeou ao recentemente falecido Xosé Ramón Barreiro.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión