O concelleiro de Deportes, Juan Ignacio Borrego, reuniuse esta mañá co presidente da Real Federación Galega de Fútbol (RFGF), Rafael Louzán, o vicepresidente da RFGF, Juan Luis Villamisar, e o secretario da devandita entidade, Diego Batalla, co fin de coordinar o posible inicio dos adestramentos dos distintos clubs e entidades da cidade, en caso de que as autoridades sanitarias o permitisen.

Neste encontro ambas as partes tamén abordaron a planificación das posibles competicións deportivas cando a situación sanitaria o permita e sempre adaptando os protocolos correspondentes. A situación das instalacións deportivas municipais foi outro dos temas que se trataron nesta reunión, así como a posibilidade de que se dispute a Copa Deputación da Coruña.